A TERRA DO PRESTE XOÁN

Esta entrada é insuperábel: música, Historia e… MARADONA!

Porque hai goles que fan Historia e convértense en cancións: o 22 de xuño de 1986, en México, Inglaterra e Arxentina xogaban os cuartos de final da Copa do Mundo. Foi un partido equilibrado até que, no minuto 51, Maradona marcou o primeiro gol do partido un pouco coa man e outro pouco coa cabeza, como máis tarde declarou o propio xogador.

A man de Maradona foi bautizada como a man de Deus; de aí o título da canción do cantante arxentino Rodrigo Bueno.

Tres minutos despois, noutra xenialidade, Maradona puxo o 2-0: si, ese gol no que colle a pelota case na súa area, regatea a un cento de xogadores ingleses, ao mesmo porteiro e marca con toda a tranquilidade.

No 80 Lineker marcou para Inglaterra, mais o partido quedou 2-1 para Arxentina. Outros dous goles de Maradona e nas semifinais desfíxose de Bélxica. Gañou na final a Alemania Federal: 3-2.

Preguntarédesvos: que ten de Historia este partido? Ben. Arxentina estaba nunha enorme crise económica daquela, así que a vitoria na Copa do Mundo alivioulles un pouco as penas. Ademais Arxentina perdera catro anos antes a Guerra das Malvinas contra Inglaterra: o que non gañaran na guerra gañábano no fútbol. En fin!